P-Noy Nagtalaga ng Bagong Mamumuno sa PhilRice


Itinalaga ni Pangulong Benigno Aquino III si Dr. Eufemio Rasco, isang plant breeder at academician, bilang bagong Executive Director ng Philippine Rice Research Institute o PhiRice noong July 4, kapalit ni Atty. Ronilo Beronio.

Samantala, pinangunahan naman ng Kalihim ng Agrikultura na si Proceso Alcala ang seremonya ng panunumpa ni Rasco bilang bagong ED ng PhilRice  noong July 13 sa kanyang opisina.

Sa isinagawang turnover ceremony noong July 18, nabanggit ni Rasco ang ilang bilin ni Kalihim Alcala sa kanya at ito ay ang kasiguruhan ng suporta ng PhilRice sa adhikain ng administrasyong Aquino na makamit ang kasapatan ng suplay ng bigas sa taong 2013. Kabilang dito ang pagkakaroon ng mataas na kalidad ng binhi at ang pagdebelop at pag-alinsunod ng mga teknolohiya para sa mga lupang katihan o upland rice farming.

Si Rasco ay nakatanggap na rin ng maraming gawad mula sa mga prestihiyosong organisasyon tulad ng National Academy of Science and Technology o NAST at Philippine Jaycees dahil na rin sa mga kontribusyon niya sa larangan ng plant breeding at agricultural education.

Nagtrabaho na rin siya sa mga kilalang institusyon tulad ng University of the Philippines Mindanao bilang propesor at dean, International Potato Center bilang coordinating scientist, Institute of Plant Breeding bilang direktor, at East-West Seed Company bilang founding director at miyembro ng board. Sa mga institusyong ito isinagawa ni Rasco ang mga komprehensibong pag-aaral at panunuri sa mga gulayan, patatas at kamote, mga di napakikinabangang pananim, dalisdis na pagtatanim, at pagpapanatili ng modernong agrikultura. Maliban dito, nakapaglathala na rin siya ng kanyang mga inaral sa mga libro sa ibang bansa, gayundin nakagawa rin siya ng general education course sa plant biotechnology kung saan ito ang pinakauna sa Pilipinas.

Maliban sa mga nabanggit, si Rasco ay nagtapos ng Agrikultura sa University of the Philippines Los Banos, Laguna bilang magna cum laude at doctorate degree naman sa plant breeding sa Cornell University, Ithaca, New York, USA.

Si Rasco ang ika-apat na Executive Director ng PhilRice. Yen Solsoloy, PhilRice

Advertisements

Author: tuklasinnatin

A Journalist and served government for 20 years. A community organizer who rose from a clan of artists and novelists.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s